A Marecchiare

A  MARECHIARE

Quanno spònta la luna a Marechiare,
Pure li pisce nce fanno a ll'ammore.
Se revòtano ll'onne de lu mare:
Pè la prièzza càgnano culore.
Quanno sponta la luna a Marechiare
A Marechiare ce sta na fenesta:
La passiona mia ce tuzzulèa.
Nu garofano addora dint'a na testa,
Passa ll'acqua pè sotto e murmulèa.
A Marechiare ce sta na fenesta..

Ah, ah, ah, ah, ah, ah, ah, ah,
Ah, ah, ah, ah, ah, ah, ah, ah,
A Marechiare, a Marechiare ce sta na fenesta

Chi dice ca le stelle sò lucente,
Nun sape st'uocchie ca tu tiene 'nfronte!
Sti ddoje stelle li ssaccio ì sulamente:
Dint'a lu core ne tengo li ppònte.
Chi dice ca le stelle sò lucente?
Scètate, Carulì, ca ll'aria è doce.
Quanno maje tantu tiempo aggìaspettato?!
P'accumpagnà le suone cu la voce,
Stasera na chitarra aggio purtato.
Scètate, Carulì, ca ll'aria è doce!.

Ah, ah, ah, ah, ah, ah, ah, ah,
Ah, ah, ah, ah, ah, ah, ah, ah,
Ah scètate, ah scètate, ah scètate Carulì, ca ll'aria è doce!

Comments

[cantalou]

une belle mattinata qui permet de se réveiller sur le port de Naples, avec quelques effluves d'Orient au refrain. Un très bel air !